مقال يهمك

2011/10/18

اخطار علي مكتب اللواء محمد عمرعبد اللطيف مساعد وزير الداخلية و مديرأمن الدقهلية عن النصاب الهارب


حرر بعض الاهالي  120 محضر بمباحث الأموال العامة وتم تقديم الملف للنائب العام بالقاهرة لبحث الأمر ويذكر  أنه تم العثور على سيارته  بشارع الجمهورية بالمنصورة  واقوال  تقول ,ان بعض الاشخاص من الضحايا  قام بالاتصال الى جهات عليا للسؤال عليه اذا هرب خارج مصر وكان الجواب لم يخرج خارج مصر ,ولا احد نعلم الحقيقة حتى الآن ,وسنوافيكم بالاخبار عند ورودها

هناك 41 تعليقًا:

  1. سيتم الاشراف علي التعليقات وسوف يتم حذف اي تعليق مسيئ او به تشهير لاي شخص ويسعدنا تواجدكم وتعليقاتكم تثرينا

    ردحذف
  2. أنا بضيع يا وديييييييييع18 أكتوبر 2011 في 4:53 م

    يا عالم عاوزين الناس تتحد وتوصل صوتها لبرامج التليفزيون عشان الموضوع يتصعد ولازم يتعرف ويتنشر صورته على التليفزيون عشان لو حاول يهرب فى اى وقت لانه ممكن يهرب بجواز مزور لان طالما معاه الفلوس يقدر يعمل كل حاجة،
    لازم نعرف هوه جوه ولا طلع بره مصر

    ردحذف
  3. ان شاء الله لسه جوه مصر وان شاء الله الفلوس هترجع عندي امل كبير

    ردحذف
  4. النصاب لسه في مصر انا متاكد ناس شافوه انا عارف ان فلوسي هترجعلي

    ردحذف
  5. الى ادارة الموقع الكريم
    بعد التحية
    نود علم سيادتكم ان التواصل عبر هذا الموقع اعطى له صدى كبير لدى جمهور المنزلة الكريم ، كما ننوه اننا نرفض اى تعليق يمس الخصوصية لاى فرد ، ولكن لابد من المصارحه فى تلك الازمة فهذا الموقع يعد بمثابة منبر للتواصل من اجل الوصول الى اى خيط يساعد فى هذه القضية
    ومن يدعى ان مجرد ذكر اسمه على الموقع بمثابه تجريح او اهانة له فهو واهم ، لذا ارجو من سيادتكم عدم حجب التعليقات التى تساعد الناس على التواصل ، ونرفض وبشدة اى تعليق يخدش الحياء او به اى اساءة لاى شخص
    وشكرا

    ردحذف
  6. تابع قائمة المنصوب عليهم
    2 تجار كبار من الجمالية منصوب عليهم فى حوالى 3 مليون و250 الف ،من ضمن من قدموا بلاغ لمباحث الاموال العامة وعلى حد قولهم ان المبالغ التى تم التقدم ببلاغات عنها من الجمالية وقراها المحيطة حوالى 33 مليون وهذا الرقم غير اكيد
    والله اعلم

    ردحذف
  7. الفلوس حترجع يا ناس محدش يقلق ، كل ايلى له فلوس لازم حياخد حقه فيه يوم قيامة كلنا حنقف ادام ربنا لازم كل واحد ياخد حقه

    ردحذف
  8. لصاحب التعليق (اخر تعليق وارجو الا يحجب للامانه الصحفية ) لو ادارة الموقع تريد مني عدم التعليق مرة اخري فلن اعلق احتراما لادارة الموقع ارجو الرد..
    حضرتك كدا كلامك واضح هو لمين لان الاسم ذكر من قبل وبجواره هذا المدلول وبعتذر لعدم نشر تعليقك كاملا (اسفه واقبل عذري ) واحب اقول لحضرتك وانا معرفكش ان وجودك في اخبار المنزلة يشرفني وتعليقاتك تثرينا

    ردحذف
  9. يا ناس رفقا باهل ذلك النصاب لان زوجته حاليا عندها جلطة ربنا يكون فى عونها فى المستشفى حاليا
    فارجو من المنصوب عليهم عدم التجريح فيهم لان هما ملهمش ذنب

    ردحذف
  10. يا جماعه لازم تشوفوا محامي كويس ويكون له علاقات علشان يقدر يعرف هل الرجل دا موجود في مصر ولا لأ ويقدر يقوم بجميع الاجراءات القانونية بسرعه - ارشح لكم الاستاذه هانم طوبار هي مقيمة بالقاهرة ولها علاقات كويسة جدا ولو عايزين تليفونها موجود معايا

    ردحذف
  11. شاعر المنزلة21 أكتوبر 2011 في 1:34 م

    سألت نفسى ، يا نفسى ايه باه فى نفسى
    قالت لى نفسى ، نفسى انام عشان يرتاح جسمى
    جانى فى المنام واحد قالى قوم معايا يالله امشى
    لفيت ما خليت
    شوفت جميع ما تشتهى نفسى
    الخير من الله والشر من نفسى
    وثقت فيه وجيت على نفسى
    ورغم انى شوفت النصب قبل كده ، لكن برده ضحكت على نفسى
    قلت له انا بحب اشغل فلوسى مع نفسى
    قالى يا عم دا دهب انت مبتفهمشى
    لقيت الكل بيدى ، قلت خد بس تمضى
    قال ههه، وماله منا محهربشى
    حطيت كل فلوسى وكمان حرمت نفسى
    حطيت فلوس الجوازه وقعدت قدام الدش ومع نفسى
    كلامه سحرنى خلانى كنت حقلع هدومى
    لكن فكرت قلت الاول اجيب حاجة استر بيها نفسى
    بعت الارض رخيصة شويةبس متفرقشى
    بكره المكسب يعوضنى واشترى ايلى فى نفسى
    حبيع اللانسر واجيب سكودا او اى حاجة بتمشى
    واحد تانى قالى بيع الكشك ، دى الكبده مبتكسبشى
    المهم قلت له بس لما من نومى متتكلمشى
    انا دكتور ووضعى ميسمحشى
    لا تجارة ولا عطارة حتى النحل بيقرص،بس ميكنش صينى
    خلاص يا غربة هانت ، معنتش حبهدل نفسى
    بلا ملابس بلا نيلة ،الدهب هوه ايلى بيمشى
    فضل ساحبنى وراه وانا من خيبتى مشايفشى
    هههه أتاريه ساحب كتير ورايا، محمود مرحمشى
    بس انا كنت فى الاول ، ايلى ورايا تاه ويمكن موصلشى
    فكرت نفسى ناصح اتارى فيه قبلى ،ايلى اخد وايلى مخدشى
    شوفت اخوان كتير لكن فى الزحمه قلت خلينى فى نفسى
    صحيت من النوم لقيت كتير كان بيحلم نفس حلمى
    وكله بيسالنى هوه جوه يعنى لسه مخرجشى
    قلت جوه او بره والله متفرقشى
    اوعوا حد يزعل منى ويقولى متحلمشى
    من حقى احلم حتى لو الحلم متحققشى
    عموما خلاص انا حلفت ما عنت انام ولا اغمض جفنى
    وموش حثق فى حد الا فى نفسى
    بقلم :شاعر المنزلة

    ردحذف
  12. كان من المستحيل
    1 قيام ثورة فى مصر
    2 سقوط مبارك
    3 محاكمة مبارك ورموز نظامه
    4 حل جهاز مباحث امن الدولة
    5 حل مجلسى الشعب والشورى
    6 صعود الاخوان والسلفيين واكتساب حق دستورى
    7 يطلع من المنزلة 70 مليون ويمكن اكتر
    مبارك طغا وظلم فأرانا الله فيه آيه

    ردحذف
  13. سقط مبارك وتبعه زبانيته ، وكشف الستار عن الكثير من ملفات الفساد التى خرجت من رحم النظام ، ومما لاشك فيه أن ريان المنزلة من احدى تداعيات هذا السقوط
    فاذا نظرنا نظرة انصاف ، فلا نستطيع ان نحمل الريان وحده هذه المسؤولية ، فهو كان بمثابة العقل المدبر واستعان ببعض الزبانية من سماسرة جمع الاموال ، الذين اطلقهم ليجمعوا له اموال ضعاف النفوس والسزج ، وبعض الكادحين من ابناء المنزلة والجمالية
    ان المنصف سيلقى بثقل المسؤوليه على عاتق هؤلاء الزبانية الذين سولت لهم انفسهم وزين لهم الشيطان استباحه اموال الناس بالباطل والتربح واخد عمولات بدون وجه حق وبدون اى تعب
    لذلك فنحن سويا نعلنها صريحه ونقول لابد من محاسبة سماسرة جمع الاموال
    ولا الوم الكثير فكما ان هناك تاجر جشع ، هنالك ايضا مواطن كادح ولكن فى النهاية الكل انحنى احتراما لتلك الشخصية الفريدة التى قلما يجود الزمان بها ولن تتكرر كثيرا ، ورغم ذلك فقد حظيت المنزلة وحدها بثلاث ...............ثم جاء المبدع الذى حقق رقما قياسيا فى تاريخ المنزلة ، ويفر تاركا سؤال ملح وهو كيف ومن اين جمع كل تلك الاموال الطائلة

    ردحذف
  14. حتى فى المصايب ليكوا نفس تنكتوا

    ردحذف
  15. القصيدة حلوة ومعبره والله كويس ان فيه شاعر من المنزلة بس اهم حاجة ميكنشى اتنصب عليه روخر لان معنتش اعرف حد الا ومنصوب عليه

    ردحذف
  16. ( إن ربك لبلمرصاد ) يمهل ولا يهمل إن شاء الله ربنا ينصر ويفرح قلب كل مظلوم --- لأن لكل ظالم نهايه

    ردحذف
  17. المثير للاهتمام أن المحامى عن المتهمين هو أيضا ضحية للمتهم حيث قام بإيداع مبلغ مالي لدى المتهم ليستثمره له

    ردحذف
  18. عجباني القصيدة قوي بس باين فيها حرقه القلب والخساره قوي

    ردحذف
  19. شاعر المنزلة26 أكتوبر 2011 في 2:52 م

    خلاص يا ناااااااااااااااااااااااس ، اسمعوا
    حبيع كل حااااااااااااااااااااااجه، ولا تزعلوا
    حبيع البيت والارض ، الله لا يوفقوا
    حبيع انبوبة الغاز واجيب وابور جاز اولعوا
    حنام ع الحصير والشتا داخل ،حسوا على دمكوا
    حبيع الكوروللا ،واركب توك توك اشغلوا
    البط حرجعه رومى ، وانتوا اوزنوا
    كل ايلى لهفته حرجعوا
    بالذوق والهداوة ، اوعوا تضربوا
    انا عارف انى طماع وظلمتكوا
    بس انا محترم ، انتوا تعرفوا
    كل واحد وشطارته ،ايلى اخاف منه حظبطوا
    والمحترم يقف فى الصف لما البلطجية يخلصوا
    هههه ، وايلى يتكلم أعلى ما ف خيله يركبوا
    ايللى له مليون ياخد نص ، بلاش تشتموا
    وانجزوا قبل ما اخلع واحصلوا
    ومن الآخر منتوا كسبتوا كتير على قفايا،
    فيها ايه لما يوم تخسروا

    ردحذف
  20. حرام عليك هيا دي خسارة دا خراب بيوت مستعجل

    ردحذف
  21. هشام الشبيني6 نوفمبر 2011 في 12:44 ص

    لماذا لا أرى أحد يلوم الأفراد الذين أعطوا أموالهم للنصاب و هم يعلمون أنه يعمل بشكل غير رسمي و بعيد عن الرقابة . هناك شيء يسمى بنوك تجارية (مثل البنك الأهلي و بنك مصر ... و هي خاضعة لرقابة البنك المركزي المصري) و منتشرة في كافة ربوع مصر ، إذا كانت أدواتها الإستثمارية غير ملائمة للراغبين في تنمية أموالهم و ثرواتهم ، فهناك شيء أخر يسمى بنوك إستثمار (مثل شركات الأوراق المالية الأعضاء في البورصة المصرية) مثل بلتون فاينانشال و القلعة كابيتال و الأهلي كابيتال و سي أي كابيتال التابعة للبنك التجاري الدولي و غيرهم بكثير و كلها شركات تؤسس و تدير صناديق إستثمار و محافظ إستثمارية متنوعة الأهداف و الأنواع منها ما هو في الأسهم و منها ما هو في العقار أو في الذهب أو الأسمنت أو في البتروكيماويات إلخ . و كل هذه الشركات الإستثمارية و صناديقها تخضع لرقابة الهيئة العامة للرقابة المالية (أو الهيئة العامة لسوق المال سابقا ً) و الإشتراك في هذه الشركات أو في صناديقها الإستثمارية يلائم جميع أهداف المستثمرين الأفراد من حيث العوائد و درجة المخاطر المقبولة إلخ ناهيك عن تمتعها بالأمان و الشكل الرسمي الخاضع للرقابة . إذا ً هل السبب طمع أصحاب الأموال و المدخرات في المنزلة أم عدم وعيهم بوجود جهات رسمية تستطيع جذب مدخراتهم و إستثمارها بالشكل الصحيح الذي يرضي المستثمرين و يحقق لهم العوائد المرغوبة أم بسبب عدم وجود فروع لتلك الشركات في المنزلة تستطيع إجتذاب فوائض و مدخرات المنزلاوية ، أم السبب إعتماد المنزلاوية على العلاقات الإجتماعية الغير رسمية و إتباع الأشاعات ؟! يا سادة يا أفاضل أنتم تحملون جزء كبير من الوزر . و لا تنسوا أن القانون لا يحمي ....

    ردحذف
  22. والله معاك حق وكمان الذنب على سماسمرة جمع الفلوس ايلى لموا فلوس الناس عشان ياخدوا عمولة من وراها

    ردحذف
  23. السماسرة دول منهم اللي بيدفع الثمن دلوقتي مش كلهم طبعاوربنا يستر

    ردحذف
  24. مفيش اى اخبار يا جماعة عن الواد ده ،انا سمعت اشاعة ان فيه ناس نصبوا عليه وقتلوه عشان ميعترفش عليهم،بس موش داخلة دماغى الحكاية دى

    ردحذف
  25. فيه اخبار مهمه جدا سمعتها بس هفرحكوا واقولهالكوا لما اتاكد منها بس ياريت ادارة الموقع تبقي تزل تعليقاتي لاني هقول حاجة تهم الكل وتهمني اكثر لاني منصوب عليا في مبلغ كبير يعني تحويشه عمري من الاخر ومش هسيبوا

    ردحذف
  26. ما تقول يا عم احنا عاوزين نعرف اى معلومة عنه بس ، واحنا حنتصرف

    ردحذف
  27. على فكرة اهله عارفين كل حاجة عنه ومكانه وكل التفاصيل بس موش راضيين يتكلموا ، ليه الله اعلم

    ردحذف
  28. انا في منتهي الحزن والالم وحاسه اني ضعت خلاص ومش لاقيه ملجأ ولا مفر من الله الا اليه وبقول يارب ساعدني يارب يارب انت بعيد عني قوي وان كنت غلطت سامح واغفر واعفو اعمل ايه مش عارفه اعمل ايه

    ردحذف
  29. الاخت الحزينة،دى نسرين ولا مين ، ويا ترى ايه المشكلة الكلام موش واضح

    ردحذف
  30. معلومة صدمتني . . . . . . . . . . . . . . يقووول باحث : معلومة صدمتني ، ان القمل علاج فعال لمنع حدوث الجلطات بالراس لان القمل عندما يتحرك وسطه يقوم بعمليه تدليك لفروه الراس ويقوم ايضا بامتصاص الدم الفاسد...وعند بحث دقيق وجدوا أنها معلومة مثبتة ووجدوا كذلك أن الإنسان المصاب بالقمل يكون ذكي . ............................................... يعني احط قمل في شعري ؟؟؟

    ردحذف
  31. والله انتي فايقه يا نهي احنا بندور علي فلوسنا وانت بتهزري

    ردحذف
  32. بيقولوا الواد ده خلع على فرنسا فعلا لانه عاطى الفلوس لواحد اتقفش فى صفقة سلاح، وطبعا لما بتاع السلاح اختفى يبقى لازم المعلم يبقى فى الخلعون

    ردحذف
  33. والله والله لحسره حسره عمره كله ان شالله اقلتوا عيل من عيالوا النصاب دا وخلي بقي الفلوس تنفعوا

    ردحذف
  34. انتوا لسه بتنتظروا رجوع النصاب او القبض عليه ، الحكومة فاضيه لكم ، سيبوها تشوف الثورة الاول وعلى فكره الثورة المرة دى حتطول يعنى انسوا باه انكم تلاقوا النصاب او تعرفوا تطولوا منه حاجة
    ربنا يعوض عليكم

    ردحذف
  35. والله البلد بتتخرب والله محنا عارفين هنروح علي فين

    ردحذف
  36. معلومات اكيدة تؤكد عدم خروج محمود زين الدين من مصر الا اذا خرج بالتزوير باسم غير اسمه

    ردحذف
  37. هو مظلوم وانضحك عليه وهو مستخبي وفي مازق مش عارف يعمل ايه ؟؟ طب يعني يعمل ايه

    ردحذف
  38. انا اتفقت مع محامي كبير وبيعمل اجراءات وان شاء الله حقنا هيرجع وهو قالي ان عندوا طريقه يعرف بيها ان كان الراجل دا اتصرف في الفلوس ولا اتنصب عليه هو كمان؟؟

    ردحذف
  39. ايه اكتر حاجة ممكن تكسب فلوس وانا اشتغل فيها بعد ما اتنصب عليا ومحدش يقولي حرااااااااااااااااااااام عايز مساعدتكم باي مقترحات سواء كويسه او صعبه

    ردحذف
  40. انا ما اعرفش ليه لغاية دلوقتى البوليس ما قبضش على عبلته وليه ما قالوش على مكانه

    ردحذف
  41. البوليس في بلدنا مش بيقبض علي النصابين لا بيقبض ويعذب ويسحل الشرفا او الحرامية الصغيرين الغلابة اللي بيسرقوا علشان ياكلوا

    ردحذف

تعليقك يهمنا ويشرفنا

مدونتي صديقتي

أنا انثي لاأنحني كــي ألتقط ماسقط من عيني أبــــدا