واقف عندك تعمل إيه ؟
أنا باتمشَّى ف حالي يا بيه !
هم الدنيا بيتربصبي
وانا باتعان بالمشي عليه ..
إسمك إيه ؟
والله مافاكر ..!
إسمي مواطن
إسمي مواطن مصر الصابر ..
كده كتبوني ف كل دفاتر
كفر اليُتمى ..
مركز متاعيس الشرقية!
أنا من ذات نفس المُديرية !
من مواليد الزمن الغابر
جيل الثورة والإشتركية
سمُّونا .. جيل الحُريّة
إحنا الجيل العربي الثاير
جيل الفكر الشرقي الكافر ..
جيل السد ..
ومكاسب شعب ما تنعد
جيل التأميم والإصلاح
جيل العامل والفلاح
إحنا يا باشا إللي بننحط
مطرح ما تقولوا وبالظبط
ولا حدش فينا بينحاز
ولا حدش بيفك الخط
أنا عشت الأيام السودة
كُنَّا نطفِّي النُور ف الأوضه
وقت الغارة
ونهيَّص من حارة لحارة
طفُّو النور .. طفُّو النور
وترُشِّنا بالميه .. الجارة
قالوا أنا مولود بعد الهوجة ..
ف عهد النصر !
فيه ناس قالوا ف عهد القهر..
قالوا انا جيت وف ديلي الفقر
تلاقيك عارف كل القصة !!
مش برضه سعادتك من مصر ؟؟!
مش راح أطوِّل
اُمي المرحومة فطمتني
بعود صبَّار
وانا كان عُمري يدوبك
شهر !
من يومها وأنا برضع صبر !
من يومها يا سعادة الباشا
وانا ريقي مبلوع بالصبر
يغفر ذنبك يامه يا طاهره
ويوسَّع حواليكي القبر
عُمري ما قُولت لمأمور
لأ
ولا بَعرف غير قُوُل الحق
وبصلّي ..
وفحالي تملِّي ..
ولا بأسمع أخبار اليوم
شئ ماله لزوم
لو حد إتكلم ف سياسة
بأقعد مكتوم
أو ألملم حالي وبأقوم
من غير تعليق !!
ليه بس يا باشا مجرجرني
ف محضر تحقيق ؟؟
دا أنا واحد من ضمن الفُقرا
لا بنكتب ضد ولا بنقرا
وبندعى .. للريّس دايماً
و بنهتف .. للسادة الوزرا
وخدمت الجيش
وأحلف لك :
ولا ماوعى أعيش
م الليلة..
مش حخرج تاني
بالزمَّه .. وديني
وأيماني
غير بس أدوَّر ع اللقمة
ورغيف العيش
ده أنا طيّب حاضر
ف لساني
غير بيتي ما ليش
وعيال بالكوم
ركباني هموم
كراريس ومدارس
وهدوم
والرزق بيجي بميت واسطة ..
غير كده .. ما ألقيش
وانا عايز أعيش
نفسي أهرب من الدنيا بحالها
أطفش .. ولا أجيش
الدنيا يا باشا لأمثالنا
غير صَحن الذل ما تدِّيش
وانا راضي وصابر
سيِّبني أروح ..
أصل أنا مش قادر
يجعل بيتك دايماً عامر.
شكلك صعلوك وبتتآمر!؟
متمسكن والدمعه ف عينك
شُغل النسوان مش حيفيدك
لو فاض صبري ح كلبش إيدك
عامل فيها البت البكر ؟؟
راسم عفَّه وطيبه وطُهر ؟؟
عُمرك شوفت نجوم الظهر ؟؟
إحنا مباحث أمن الدولة
إمش إنجر وأي مُحاولة
راح ألبِّس أهلك ميت بلّوه
أتخن منَّك بيّبُوس إيدي
يابني الشعب ده كُله عبيدي
و أي مواطن كلب بيركع
فتَّح عينك .. إفهم واسمع .
بُص سعادتك .. أنا حَلّتها !
شُوف أوراقي ..
آدي بطاقتي ..
أنا عُمرى أساساُ ما داريتها ؟!
والمسأله لو أمن الدوله ..
واجب نتجاوب في ساعتها
وتبقى بسيطه وبرضه في بيتها !!
دي تبلَّها .. تشرب ميتها .!
يا نهار أبيض !!
المختومة بختم النسر ؟؟!
حتى بطاقتي يا باشا لاغيتها ؟؟
ده أنا طول عُمري حويط ومحرَّس
لا أتلم تحرِّي ولاأتبهدل
ولا أبيِّت عندكو وأتجرس !!
كُنت ف جيبي تملِّي شايلها
زيّ هموم الدنيا .. حاملها
أتحنجل .. وليلاتي أنقلها
من فوق كتفي .. لتحت بطاطي
وأخفي ف قلبي .. وواسي مراتي
بأتصبَّر .. واهي ماشيه حياتي
سارح ف الملكوت ومطاطي ..
شكلك مش ولا بُد وواطي !.
من فضلك .. بزيادة ألاطه
وأسمع بقى منَّي على بلاطه
ح احكيلك وضعي بإخلاص
أنا راضع عزة ف أنشاص
أنا كنت مُقاتل ..
أنا دُفعة تسعه وستين
طول عُمري .. شقيان مش عاطل
وعبرت تلاته وسبعين ..
لما سعدتك كُنت بشوُرت
أنا شلت سلاحي وعبرت
أمن الدولة بروحي حميته
أمن الدولة بإيدي بنيته
كُل الدولة حدود وتراب
من دم الشُهدا أنا حنِّيته
وانا شايل فوق كتفي سلاحي
وبقايا رجال ..أشلاء ف شوال
ربَّك قدَّرني .. ولمّيتُه
وفّيت العهد إللي قطعته
روَّحت زميلي لباب بيته ..!
أمن الدولة !!؟؟
أمن الدولة تهين كرامتنا ..
وتكرَّهنا في يوم ولادتنا ؟!
أمن الدولة تدوس ف عيالها ؟؟
أمن الدولة إنك تغتالها ؟!
مين أصلا جابك للسُلطة ؟
مين عمَلَك ظابط ف الشُرطة ؟!
قولي برُتبك ليه مغرور ؟!
وانت بكُل جلالة قدرك
عبد وليك تلاتين مأمور ؟؟
ليه تفتيش .. ومباحث واقفه ؟!
وستين بوكس وفرد مرور ؟!
ومكرْدن كُل الميادين
ومقفِّل شارع وإتنين
وولاد مصر ـ براعم طالعه ـ طول السِّكه
على الصفين
ومطافي وشُرطه وإسعاف
ربيتوا الرُعب في أجيالنا
الكُل بيرجف ويخاف
وتعطَّلوا ف مصالح ناس
من غير تقدير أو إحساس
إللي وراه طيارة .. تفوته !
والمسعوف .. ولا يفرق موته !
والمرضان .. مين يسمع صوته !
جاي تقولي انا أمن الدولة ؟؟
ممكن نفهم مع بعضينا
معنى الأمن ؟؟
ممكن أشرح ؟!
من غير ما أتكلبش وأتجرَّح ؟!
أمن الدولة قانون ورقابة ..
أمن الدولة قضاء ونيابة ..
أمن الدولة نظام ع الكُل
أمن الدولة تلف سعادتك
وتجمِّل أرضها بالفُل
عز بلدنا ف أمن الدولة ..
ضل بلدنا ف أمن الدولة ..
العدل أساس أمن الدولة
أي كرامة ..
لأي مواطن دايماً أولى
لازم يبقى البيت منصان
ولا فيش مصري يبات عريان
ولا واحد يتعالج بره
وغلابه .. ببرشام ودهان
ولا واحد يتعشى بطارخ
والتاني من الجوع مغصان
ولا طفل متختخ ومكلبظ
وعيال تانية تقولش عيدان
وقصور باشوات طول سواحلنا
وبقية الشعب ف قفصان
ومدارس بتديرها أمريكا
ومدارس تانيه بتنجان
قبل ما تطلب أمن لدولة
عزز للدولة الأركان
إوجد هيبة لشأن الدولة
وإرفع سيفها ف كل ميدان
دولة تصون أولادها بخيرها
مش تخلق منهُم خصيان
دولة تفرَّحنا بموازينها
من غير تميز لإبن فلان !!
أمن الدولة يا رمز الدوله
إنَّك تحترم الإنسان .
هموم
يوسف المنيلاوي
الاضرحة المزيفه
إن أكثر من 50 في المائة من الأضرحة المنتشرة في محافظات مصر "مزيفة"، وليست لرفات أولياء كما يُزعم، وهو ما قال إنه ينطبق عليها المثل القائل "هو فاكر تحت القبة شيخ" والذي يعود أصله، عندما اتفق اثنان على إقامة ضريح فوق جثة حمار وفوق الضريح قبة ونصباه وليا يزوره المريدون، "فكانت سبوبة للشريكين الذين اختلفا فأراد أحدهما أن ينبه الآخر فقال: إحنا دفنينو سوا".وأشار إلى أن هناك عددا من الأضرحة التي هي لأناس عاديين لا يملكون كرامات، مدللا على ذلك بالضريح الذي يوجد على يسار بوابة الفتوح في شارع المعز لدين الله الفاطمي، والذي يقال إن بأسفله قبر "محب القاهرة حسن الذوق"، وهو مغربي الأصل هاجر من بلاده إلى القاهرة الفاطمية ولما تقدمت به السن أراد أبناؤه أعادته لبلاده، ولكنه رفض فأجبروه فمات على مدخل القاهرة ودفن بها فكان المثل الشهير: "الذوق ما خرجش من مصر" إلا أن أهل الحي جعلوا منه شيخا ووليا من أولياء الله فصنعوا فتحة في القبة لإلقاء النقود ومن ثم الحصول على البركة منه.ومن العجائب، كما يقول أبو النجا أن يتم تنصيب طفلا أو مجذوبا أو مصابا بالتخلف العقلي وليا، لأنه في الاعتقاد شخص مبروك ودعوته مجابة، ومن أهم القرى المصرية التي اشتهرت بهذه الظاهرة قرية سيف الدين مركز الزرقا بمحافظة دمياط، وفيها قبة الشيخ عصام وهو طفل ولد مجذوبا لأب من مواليد 1901 يعمل مفتشا بإحدى المعاهد الأزهرية.كما هناك الشيخ ياسر مواليد أبريل 1971، والذي يعاني من تخلف عقلي لأب نجار وأم خياطة، والشيخة سناء تبلغ من العمر 30 عاما ولدت بالتخلف العقلي، وهناك ضريح باسم سيدي عباطة مقام بمقابر سيد جلال نسبه إلى جلال الدين السيوطي بحي السيدة عائشة، ويقام له مولد سنوي، رغم عدم معرفة أي من الباحثين والمؤرخين به.وهناك زروق المغربي الذي ادعى انه أحيا حمارا بعد موته بثلاثة عشر يوما، ويشير إلى أن منطقة بولاق عرفت بهذا الاسم نسبة إلى الشيخ أبو محمد يوسف عبد الله التكروري وكان رجلا تقيا ونصبه الناس وليا يمتلك من الكرامات الكثير. وذكر أبو النجا، إن العالم القرشي جومار في موسوعة وصف مصر، قال إن الدراويش فئة من المجانين الذين يرسلون شعورهم، ويؤمن بهم العامة في تبجيل أعمى وخارق للمألوف، وأحد هؤلاء ممن رأيتهم بالقاهرة، أُشيع أنه يوحى إليه من محمد، وكانت لديه عادة التجول في شارع المدينة عاريا تماما، وكانت النساء حتى ذوات الوضع المتميز فيهن يقفن ويقتربن منه لتقبيل يده بدلا من أن يتراجعن إزاء هيئته. وأكد أن الواقع التاريخي يشير إن بداية ذيوع خرافات الأولياء تعود إلى العصرين المملوكي والعثماني فقد ولدت الخزعبلات على أيدي الدراويش الذين خرجوا من خانقاوات المتصوفة وهى كلمة فارسية، ومعناها "بيت" ثم أطلقها العامة على مستشفى المجانين وحرفت إلى كلمة "خانكة". وكانت عند بداية إنشائها على يد صلاح الدين الأيوبي بيوتا للعلم، إلا أن سلاطين المماليك أعطوها للدراويش والصوفية، وكان كل صوفي يصرف له في اليوم رطل من اللحم الضان المطبوخ وأربعة أرطال من الخبز، علاوة على أربعين درهما ورطل من الحلوى ورطلان من زيت الزيتون ومثلها من الصابون.وفسر ذلك بأنه ربما كان واقعا لفرار الكثير من قسوة الحياة والرغبة في بسطة العيش دون عناء الدخول في الصوفية، وهؤلاء انصرفوا عن الذكر والعبادة إلى البحث عن المال والمتاع وهؤلاء يقول عنهم المقريزي "لا ينسبون إلى علم ولا ديانة وإلى الله المشتكي".ونتيجة لذلك، تحولت الخانقاوات إلى أوكار تنابلة السلطان فادعوا الزهد في حين امتنعوا عن أداء شعائر الصلاة، مدعين أنهم يقومون بها في ألاماكن المقدسة، ومن هؤلاء عبد القادر الدشطوطي وإبراهيم المتبول، وكان للسلاطين دور كبير في مساندة هؤلاء "المجاذيب" فقد تحول التصوف إلى وظيفة لخدمة السلطان
تقوم جمعية رسالة في المنزلة بنشاطات خيرية خلال شهر رمضان حيث تم استغلال سينما المنزلة من يوم 6 رمضان وحتي اربع ايام لتخزين ووضع مجموعه من الاجهزة الكهربائية والمراتب والبطاطين و800 شنطة محتواها سمن ومكرونه وارز وفاصوليا ولوبيا وسكر وتمر كل ذلك للمستحقين اللذين تم لهم عملية استكشاف عن طريق فرع الجمعية بوسط البندر وتم التبرع بهذه الاجهزة والشنط الخيرية من فرعي رساله المهندسين وفرع رساله الاسكندرية ومن الاعمال الخيرية ايضا لجمعية رسالة في رمضان توصيل مواسير المياه للبيوت وتثقيف بعض البيوت ذات السقوف القديمة وتم عمل مشاريع للايتام لكي يعيشوا منها كالبقاله والملابس وتوزيع ماكينات الخياطة علي المستحقين
ولدت بالقاهره فى 31/10/1933 والدها هو حسين فهمى صادق وكيل وزارة المواصلات وهو نجل على بك صادق من أعيان مصر فى ذلك الوقت و اخر منصب تقلده قبل وفاته هو سكرتير عام وزارة المواصلات اما والدتها فهى اصيله هانم ابنة كامل محمود من اعيان محافظة المنيا وخطبت الى الدكتور محمد زكى هاشم المحامى المعروف حينئذ و تم تحديد موعد الزفاف وجاء اليوم الذى ذهبا فيه لانتقاء خاتم الزواج من احد كبار تجار المجوهرات وكان اللقاء الاول بين الملك و ناريمان فى محل احمد باشا نجيب الجواهرجى فى شارع الملكة فريده المعروف الان بأسم شارع عبد الخالق ثروت حصلت الملكة ناريمان على الطلاق من الملك فاروق فى فبراير عام 1954 بعد زواج ملكى دام 4 سنوات الا 3 اشهر و فى عام 1953 و تحديدا فى 18 يونيو اقصى مجلس قيادة الثورة الملك الصغير احمد فؤاد رسميا عن حكم مصر وكان عمره وقتها 18 شهرا وبهذا التاريخ وضعت الثورة النهاية المؤكدة لاسرة محمد على التى حكمت مصر 148 عاما
بعد مرور 3 اشهر على توقيع وثيقة الطلاق تقابلت ناريمان مع شاب مصرى تلقى تعليمه الجامعى فى جامعة كامبردج بلندن وهو الطبيب ادهم النقيب من الاسكندرية تقابل ادهم مع ناريمان لم تفكر الملكة السابقة ناريمان كثيرا ولم تتردد ويبدو انه خطف قلبه انجبت منه ابنها اكرم في 28 مارس1961 وانفصلت عنه
بعد هذا الانفصال بعام واحد دخلت الملكة السابقة ناريمان تجربه زواج جديده حيث تزوجت الدكتور اسماعيل فهمى فى عام 1967 وكان لواء بالقوات المسلحه تخرج من كلية الطب عام 1957 وحصل على درجة الدكتوراه واخر منصب شغله هو نائب مدير ادارة الخدمات الطبيه بالقوات المسلحه واحيل للتقاعد عام 1989 وظلت زوجته حتى وفاتها فى 16 فبراير عام 2005 عن عمر يناهز 72 عاما
صورة للملكة ناريمان فى صباها مع والدها حسين بك صادق وولدتها أصيلة هانم صادق 1941
صور للمكلة ناريمان فى صباها
مدونتي صديقتي
أنا انثي لاأنحني كــي ألتقط ماسقط من عيني أبــــدا
واقف عندك تعمل إيه ؟
